Олон хэрэглэгчид Портуудын Цуглуулгаас гуравдагч програм хангамжуудыг FreeBSD дээр суулгахаар сонгодог. Ихэнх тохиолдолд програм хангамжийг систем ачаалахад эхлүүлэхээр тохируулах шаардлагатай байж болох юм. mail/postfix эсвэл www/apache13 зэрэг үйлчилгээнүүд нь системийг ачаалахад эхлүүлж болох програм хангамжийн багцуудын зөвхөн хоёрхон жишээ юм. Энэ хэсэгт гуравдагч програм хангамжийг ажиллуулах процедурын талаар тайлбарлах болно.
FreeBSD дээр cron(8) зэрэг ихэнх үйлчилгээнүүд системийн эхлүүлэх скриптүүдийн тусламжтай эхэлдэг. Эдгээр скриптүүд FreeBSD эсвэл үйлдвэрлэгчийн хувилбараас хамааран өөр өөр байна; гэхдээ хамгийн чухал авч үзэх зүйл нь тэдгээрийн эхлэх тохиргоог энгийн эхлүүлэх скриптүүдээр хийх боломжтой явдал юм.
rc.d-ээс өмнө програм хангамжууд энгийн эхлүүлэх скриптээ системийн эхлүүлэх скриптүүдийн уншдаг /usr/local/etc/rc.d санд хийдэг байсан. Дараа нь эдгээр скриптүүд нь системийн ачаалалтын сүүлийн шатуудад ажилладаг.
Олон хувь хүмүүс хуучин тохиргооны загварыг шинэ систем уруу нийлүүлэх гэж олон цагийг зарсаар байгаа боловч зарим гуравдагч хэрэгслүүд скриптээ дээр дурдсан сан уруу хийхийг шаардсан хэвээр байгаа юм. Скриптүүдийн гол ялгаанууд нь rc.d ашиглаж байгаа эсэхээс хамаарна. FreeBSD 5.1-ээс өмнө хуучин тохиргооны загвар ашиглагдаж байсан бөгөөд бараг бүх л тохиолдлуудад шинэ загварын скриптүүд ч бас зүгээр ажиллах юм.
Скрипт бүр зарим хамгийн бага шаардлагыг хангах ёстой боловч ихэнхдээ FreeBSD-ийн хувилбараас хамаарна. Скрипт бүр систем дээр ажиллах боломжтой байх ёстой бөгөөд үүнийг chmod тушаал ашиглан ганц 555 эрхийг заан хийж болно. Мөн хамгийн багаар бодоход програмыг эхлүүлэх болон зогсоох тохируулгууд байх ёстой.
Хамгийн энгийн эхлүүлэх скрипт яг энэн шиг харагдах болов уу:
#!/bin/sh echo -n ' utility' case "$1" in start) /usr/local/bin/utility ;; stop) kill -9 `cat /var/run/utility.pid` ;; *) echo "Usage: `basename $0` {start|stop}" >&2 exit 64 ;; esac exit 0
Энэ скрипт utility хэмээгдсэн програмд зориулагдсан зогсоох болон эхлүүлэх тохируулгатай байна.
Гараар ингэж эхлүүлж болно:
# /usr/local/etc/rc.d/utility start
Бүх гуравдагч програм хангамжууд rc.conf-д мөр байхыг шаарддаггүй боловч бараг л өдөр болгон шинэ порт энэ тохиргоог авахаар өөрчлөгдөж байна. Тухайн програмын талаар дэлгэрэнгүй мэдээллийг суулгалтын сүүлийн дэлгэцэд гаргасан үр дүнгээс шалгаарай. Зарим гуравдагч програм хангамжууд програмыг rc.d-тэй цуг ашиглахыг зөвшөөрдөг эхлүүлэх скриптүүдтэй байдаг; гэхдээ энэ нь дараагийн хэсэгт хэлэлцэгдэнэ.
Одоогийн FreeBSD-ийн rc.d-г агуулдаг нь програмын эхлүүлэх тохиргоог илүү хялбар, боломжтой болгосон. rc.d хэсэгт хэлэлцсэн түлхүүр үгүүдийг ашиглан програмууд жишээ нь DNS зэрэг зарим үйлчилгээнүүдийн дараа ажиллахаар тохируулагдаж болно; эхлүүлэх скриптүүдэд хатуугаар бичигдсэн тугуудын оронд rc.conf-оор нэмэлт тугуудыг өгөхийг зөвшөөрч болох гэх мэт. Үндсэн скрипт дараах байдлаар харагдаж болно:
#!/bin/sh # # PROVIDE: utility # REQUIRE: DAEMON # KEYWORD: shutdown # # DO NOT CHANGE THESE DEFAULT VALUES HERE # SET THEM IN THE /etc/rc.conf FILE # utility_enable=${utility_enable-"NO"} utility_flags=${utility_flags-""} utility_pidfile=${utility_pidfile-"/var/run/utility.pid"} . /etc/rc.subr name="utility" rcvar=`set_rcvar` command="/usr/local/sbin/utility" load_rc_config $name pidfile="${utility_pidfile}" start_cmd="echo \"Starting ${name}.\"; /usr/bin/nice -5 ${command} ${utility_flags} ${command_args}" run_rc_command "$1"
Энэ скрипт нь өгөгдсөн utility-г daemon үйлчилгээний дараа ажиллуулахаар тохируулагдсан. Мөн PID, эсвэл процессийн ID файлыг заах болон дагах аргыг бас хангадаг.
Энэ програм дараах мөрийг /etc/rc.conf файлд оруулж болно:
utility_enable="YES"
Энэхүү арга нь тушаалын мөрийн нэмэлт өгөгдлүүдийг илүү хялбараар удирдах боломжийг зөвшөөрдөг бөгөөд /etc/rc.subr дахь анхдагч функцуудыг оруулах, rcorder(8) хэрэгсэлтэй нийцтэй байх, болон rc.conf файлын тусламжтай хялбараар тохиргоо хийх боломжийг бас хангадаг.
POP3 сервер дэмонууд, IMAP зэрэг бусад үйлчилгээнүүд inetd(8) ашиглан эхэлж болдог. Энэ нь Портуудын Цуглуулгаас /etc/inetd.conf файлд нэмэгдэх мөр бүхий эсвэл одоогийн байгаа мөрүүдийн нэгнээс тайлбарыг болиулж идэвхжүүлдэг үйлчилгээний хэрэгслийг суулгаснаар хэрэгждэг. inetd болон түүний тохиргоотой ажиллах талаар inetd хэсэгт гүнзгий тайлбарласан байгаа болно.
Зарим тохиолдолд cron(8) ашиглан системийн үйлчилгээнүүдийг эхлүүлэх нь илүү ашигтай байж болох юм. Энэ арга нь хэд хэдэн давуу талуудтай бөгөөд учир нь cron эдгээр процессуудыг crontab-н файлын эзэмшигчийн эрхээр ажиллуулдаг. Энэ нь ердийн хэрэглэгчдэд зарим програмуудыг эхлүүлж ажиллагааг хангах боломжийг олгодог.
cron хэрэгсэл @reboot гэсэн бусдад байхгүй боломжийг олгодог бөгөөд цаг хугацааг заах хэсэгт ашиглагдах боломжтой. Энэ нь системийг эхлүүлэх явцад cron(8) эхлэх үед тухайн ажлыг ажиллуулдаг.
Энэ болон бусад баримтуудыг ftp://ftp.FreeBSD.org/pub/FreeBSD/doc/ хаягаас татаж авч болно.
FreeBSD-ийн талаар <questions@FreeBSD.org> хаягтай
холбоо барихаасаа өмнө баримтыг уншина уу.
Энэ бичиг баримттай холбоотой асуулт байвал <doc@FreeBSD.org> хаягаар цахим
захидал явуулна уу.
Энэ бичиг баримтын орчуулгатай холбоотой асуулт
байвал <admin@mnbsd.org>
хаягаар цахим захидал явуулна уу.