Mini-Commander applet-a


Table of Contents
Mini-Commander applet-a

Mini-Commander applet-a

Mini-Commander applet-ak (Figure 1) komando-lerro bat gehitzen du Panelean. Komando-osatzea, historia, makro aldagarriak eta aukerako erloju inkorporatu bat eskaintzen ditu. Makro aldagarriei esker, hainbat atazatan erabil dezakezu. Besterik gabe programa bat abiaraz dezakezu (edo makro labur bat), edo web orri bat ikus dezakezu, edo norbaiten/informazio-orri bat bilatu eta abar. Mini-Commander Paneletik kanpora atera dezakezu ezkerreko aldean duen aukerako maneiatzailea erabiliz. Hori oso erosoa da panel bertikalak erabiltzen dituztenentzat.

Applet hau Panel bati gehitzeko, egin klik eskuineko botoiaz Panelean eta aukeratu Panela->Gehitu panelari->Applet-a->Utilitatea->Mini-Commander.

Erabilera

Programa bat abiarazteko edo komando bat exekutatzeko, besterik gabe sartu programa edo komandoa eta sakatu itzulera tekla. Edo, zure fitxategi-sistemako aplikazio edo komando bat bilatzeko, egin klik beheko izkinako zirkuluan.

Mini-Commander-ek komando-osatze automatikoa dauka (beste erabiltzaile shell askok izaten dutenaren antzekoa). Beraz, askotan ez duzu izen osoa idatzi beharrik izango, baizik eta hasierako karaktereak soilik eta ondoren tab tekla. Mini-Commander programaren izena osatzen saiatuko da UNIX shell gehienek egiten duten moduan.

Mini-Commander-ek komando-historia ere badu, aurreko komandoak berriro erabili ahal izateko gora gezia edo behera gezia tekla sakatuz. UNIX shell gehienetako komando-historiak bezala funtzionatzen du. Kontuan izan komandoak ez direla historian gordetzen lehendik historian baldin badaude, bikoiztuta ager ez daitezen. Historia-zerrendara joateko, sakatu behera geziaren ikono txikia eta hautatu nahi duzun komandoa.

Mini-Commander-ek makroak ere erabil ditzake. Aurrez definitutako zenbait makro ditu. Adibidez, term:komandoa sartzen baduzu, komandoa terminal-leiho batean exekutatuko da. Edo URL bat sartzen baduzu, web arakatzailea erabiliko du ikusteko. Gainera zuk zeure makroak idatz ditzakezu edo lehenetsitakoak aldatu.

Applet-ean eskuineko botoiaz klik eginez gero, elementu hauek dituen menua agertuko zaizu:

  • Propietateak… Propietateak elkarrizketa-koadroa irekitzen du.

  • Laguntza — dokumentu hau bistaratzen du.

  • Honi buruz…Mini-Commander applet-ari buruzko oinarrizko informazioa erakusten du, esaterako, applet-aren bertsioa eta egilearen izena.

Pertsonalizazioa

Mini-Commander applet-a pertsonaliza dezakezu bertan eskuineko botoiaz klik egin eta Propietateak aukeratuz. Propietateen elkarrizketa-koadroa (Figure 2) irekiko da, eta hainbat ezarpen aldatu ahal izango duzu.

Orokorra fitxako propietateak hauek dira:

Makroak fitxak 99 makroko zerrenda du, eta horietako bakoitza adierazpen erregularra (Regex) eta makroa (Makroa) da. Idatzi Mini-Commander-ek aurkitu behar duen adierazpen erregularra ezkerreko zutabean eta exekutatu behar duen makroa eskuinekoan. Lehenetsitako ezarpenak makro erabilgarri ugari ditu definituta, eta seguru asko zeure makroak idazten ikasten lagunduko dizute.

Nahi dituzun aldaketa guztiak egin ondoren, egin klik Ados botoian aldaketak aplikatu eta Propietateen elkarrizketa-koadroa ixteko. Aldaketak bertan behera utzi eta aurreko balioetara itzultzeko, egin klik Utzi botoian.

Maiz egiten diren galderak

Jarraian, maiz egiten diren galderak eta emandako erantzunak aurkituko dituzu.

Q: Zergatik ezin diot eman teklatu-fokua Mini-Commander-i?

Q: Zergatik ezin diot eman teklatu-fokua Mini-Commander-i?

A: Badirudi arrazoi ugari izan ditzakeela arazo nahasgarri honek, eta baldintza jakin batzuetan gertatzen dela.

Inolako teklatu-fokurik ezin badiozu eman Mini-Commander applet-ari, beharbada zure leiho-kudeatzaileak arazoren bat duelako izango da. Hala bada, idatz iezadazu mezu labur bat zein leiho-kudeatzaile erabiltzen duzun adieraziz (izena eta bertsioa).

Batzuetan gertatzen da behin bakarrik eman diezaiokezula teklatu-fokua Mini-Commander applet-ari. Lehen aldi horren ondoren ezin zaio berriz fokua eman. Oraingoz ez da ezagutzen akats horren arrazoirik.

Egileak

Mini-Commander Oliver Maruhn-ek idatzi du. (). Bidali zure iruzkin, iradokizun eta akatsen berri-emateak GNOMEren akatsen segimendurako datu-basera. (Akatsei buruzko berriak bidaltzeko argibideak linean aurkituko dituzu.) GNOMEren 1.1 bertsioa edo berriagoa baduzu, Akatsen berri emateko tresna (bug-buddy) ere erabil dezakezu akatsen berri emateko. Tresna hori Menu nagusiko Utilitateak azpimenuan duzu eskuragarri.

Eskuliburu hau Oliver Maruhn-ek idatzi du (). Dan Mueth-ek aldaketa txiki batzuk eta eguneratzeak egin dizkio (). Eskuliburuari dagozkion iruzkinak eta iradokizunak GNOMEren dokumentazio-proiektura bidal ditzakezu: . Iruzkinak linean ere egin ditzakezu GNOMEren dokumentazio-egoeraren taula erabiliz.

Euskarazko itzulpena Hizkuntza Politikarako Sailburuordetzak egin du (). Itzulpenari buruzko oharrak eta iradokizunak helbide honetara bidal ditzakezu:

Lizentzia

Programa hau software librea da; birbana eta/edo alda dezakezu, Free Software Foundation-ek argitaratutako GNU Lizentzia Publiko Orokorraren 2. bertsioan, edo (nahiago baduzu) bertsio berriago batean, jasotako baldintzak betez gero.

Programa hau erabilgarria izango delakoan banatzen da, baina INOLAKO BERMERIK GABE; era berean, ez da bermatzen beraren EGOKITASUNA MERKATURATZEKO edo HELBURU PARTIKULARRETARAKO ERABILTZEKO. Argibide gehiago nahi izanez gero, ikus GNU Lizentzia Publiko Orokorra.

GNU Lizentzia Publiko Orokorraren kopia bat GNOME erabiltzailearen gidaren eranskinean daukazu. GNU Lizentzia Publiko Orokorraren kopia Free Software Foundation-en bidez ere lor dezakezu haren web gunea bisitatuz edo hona idatziz:

 Free Software Foundation, Inc. 59 Temple Place -
      Suite 330 BostonMA
      02111-1307 USA